BAADA YA MLIPUKO WA ARUSHA WATU SITA WANASHIILIWA WAKIWEMO RAIA WA KIGENI

Siku moja baada ya kutokea kwa mlipuko wa Bomu katika Kanisa Katoliki la Mtakatifu JOSEPH Parokia ya Olasiti jijini Arusha na kusababisha vifo vya watu wawili na majeruhi 58 jeshi la polisi nchini tayari linawashikilia watu Sita wakiwemo raia wanne wa kigeni.
Akitoa kauli ya Serikali bungeni Waziri wa Mambo ya Ndani ya Nchi Dk. EMMANUEL NCHIMBI amesema tukio hilo lilitokea wakati wa uzinduzi wa Parokia ya Olasiti huku Balozi wa Vatikani nchini akiwa ni mgeni rasmi ambapo Bomu la kurushwa kwa mkono lilirushwa kuelekea kwenye mkusanyiko wa watu.
Kufuatia hali hiyo kimeundwa kikosi maalum kwaajili ya kufanya uchunguzi huku Serikali ikiahidi kuchukua hatua kali kwa wote watakaobainika kuhusika na shambulio hilo linalochafua taswira ya nchi.
Wakati huo huo Wizara ya mambo ya Ndani ya Nchi imewasilisha Bajeti yake kwa mwaka wa Fedha 2013/2014 na kuahidi kuendelea kupambana na uharifu ambapo kambi rasmi ya Upinzani bungeni imetaka kufanyiwa kazi kwa masuala ya uvunjifu wa amani kutokana na matukio yanayoendelea kujitokeza.
Kwa upande wa Kambi rasmi ya Upinzani bungeni Msemaji wa kambi hiyo kwa Mambo ya Ndani ya nchi VICENT NYERERE amependekeza msongamano wa wafungwa magerezani upunguzwe kwa kutoa adhabu mbadala na kubadili ratiba za kula na kulala kwa Wafungwa na Mahabusu.

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.