Wafanyakazi wauhoji uongozi fedha za NHIF

Muhimbili. 

Dar es Salaam. Wafanyakazi wa Hospitali ya Taifa ya Muhimbili wameulalamikia uongozi wa hospitali hiyo kwa kushindwa kupeleka michango yao wanayokatwa kwenye mishahara kwa ajili ya kulipia Mfuko wa wa Taifa wa Bima ya Afya (NHIF).

Wakizungumza kupitia baruapepe waliyouandikai uongozi huo (nakala tunayo), wafanyakazi hao wamedai kuwa michango hiyo haijapelekwa tangu Oktoba mwaka jana hadi Januari 2013 hivyo kuwakosesha haki ya matibabu.

“NHIF haijapata michango ya  asilimia tatu tangu Oktoba mwaka 2012 hadi Januari 2013, kwa mantiki hiyo basi huduma nyingine kama kupokea fomu na kubadilisha kadi hazitolewi pamoja na vibali na vipimo ni ndoto kwa sasa,” imesema sehemu ya barua hiyo.

Hata hivyo barua hiyo imeongeza kuwa, Serikali imeshalipa sehemu yake kumchangia mfanyakazi lakini kwa upande wa hospitali hiyo ndiyo bado haijalipa.

Wafanyakazi kupitia barua hiyo wamemtaka Mkurugenzi mtendaji wa hospitali hiyo kumwagiza mkaguzi wa ndani kufanya ukaguzi wa akaunti inayohusu malipo hayo ili ili kubaini ukweli wa jambo hilo.

Alipotafutwa kwa njia ya simu, Mkurugenzi Mtendaji wa hospitali hiyo Dk Marina Njelekela alikataa kuzungumzia suala hilo na kumtaka mwandishi amtafute ofisa habari.  Naye Ofisa habari wa hospitali hiyo Eligaesha Buberwa alikiri kuwepo kwa tatizo hilo lakini akapinga kuwa limeanza tangu mwaka jana.

“Siyo kweli kwamba tatizo hilo lilianza  Oktoba mwaka 2012. Ni kweli tuna deni la Machi mwaka huu. Unajua wale NHIF wana utaratibu wa kukatisha huduma kama usipolipa tarehe 5 ya mwezi mmoja mbele,” alisema Eligaesha

SHARE

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.

• 
• 
• 
• 
•